Мен қазақша сөйлеймін

Титов атындағы №20 мектеп-гимназияда 1-4 сынып оқушыларының қатысуымен  «Мен қазақша сөйлеймін» атты сыныптан тыс іс-шара болып өтті. Бастауыш сыныптарындағы  қазақ тілі пәні мұғалімдерінің ұйымдастыруымен өткен іс-шараның мақсаты -  мемлекеттік тілдің қолданыс аясын кеңейту, қазақ тілінің этносаралық қарым-қатынас тілі ретіндегі қызметін нығайту, мемлекеттік тілді еркін меңгерген  оқушыларды ынталандыру. Іс-шара аясында  танымдық викторина өткізілді , жатқа өлең, жаңылтпаш, мақал-мәтелдер айтылып, ұлттық аспап – домбырада күй тартылды.

«Көп тіл білсең, көкжиегің кең болар,

Құрметтейді кісі екен деп төрге озар», - демекші бір емес бірнеше тіл үйренгеннің жолы әрдайым ашық болары сөзсіз. Ендеше, мемлекеттік тілдің де мәртебесін көтеруге баршамыз атсалысайық!