18 НАУРЫЗ-ҰЛТТЫҚ КИІМ КҮНІ

18 наурыз - Ұлттық киім күніне орай ұйымдастырылған " Ұлттық киім- ұлтымыздың бейнесі" атты іс шараға Титов атындағы №20 мектеп-гимназиясы  ұстаздары, оқушылары белсене қатысты. 

 Ұлттық киім кию күні – біздің халқымыздың мәдениетін, тарихын және дәстүрін дәріптейтін ерекше шара. Бұл күнде әрбір оқушы өзіне тән ұлттық киімдерін киіп, халқымыздың бай мәдени мұрасын құрметтейді. Ұлттық киім – біздің ұлттық болмысымыздың айқын бейнесі, оның сәні мен ерекшелігі ғасырлар бойы сақталып келеді. Әрбір ою-өрнек, түстер мен таңбалар халқымыздың өмірінен, салт-дәстүрлерінен сыр шертеді.

 Ұлттық киім кию күні – жас ұрпақты өз мәдениетіне, ұлттық құндылықтарына деген сүйіспеншілікті оятуға, оларды патриоттық рухта тәрбиелеуге көмектеседі. Бұл күннің мақсаты – өз тарихымызды, тіліміз бен өнерімізді ұмытпай, келер ұрпаққа жеткізу. Шара барысында оқушылар бір-біріне өз киімдерінің ерекшеліктері туралы айтып, халқымыздың тарихымен танысады.

 Ұлттық киімдеріміздің мән-мағынасына терең үңіліп, оларды құрметтеу арқылы біз өз мәдениетімізді сақтап, болашақ ұрпаққа аманат ете аламыз.